Kavanot: levenshtein

חזון ישעיהו בן אמוץ אשר חזה על יהודה וירושלם בימי עזיהו יותם אחז יחזקיהו מלכי יהודה שמעו שמים והאזיני ארץ כי ה׳ דבר בנים גדלתי ורוממתי והם פשעו בי ידע שור קנהו וחמור אבוס בעליו ישראל לא ידע עמי לא התבונן הוי גוי חטא עם כבד עון זרע מרעים בנים משחיתים עזבו את ה׳ נאצו את קדוש ישראל נזרו אחור על מה תכו עוד תוסיפו סרה כל ראש לחלי וכל לבב דוי מכף רגל ועד ראש אין בו מתם פצע וחבורה ומכה טריה לא זרו ולא חבשו ולא רככה בשמן ארצכם שממה עריכם שרפות אש אדמתכם לנגדכם זרים אכלים אתה ושממה כמהפכת זרים ונותרה בת ציון כסכה בכרם כמלונה במקשה כעיר נצורה לולי ה׳ צבאות הותיר לנו שריד כמעט כסדם היינו לעמרה דמינו שמעו דבר ה׳ קציני סדם האזינו תורת אלקינו עם עמרה למה לי רב זבחיכם יאמר ה׳ שבעתי עלות אילים וחלב מריאים ודם פרים וכבשים ועתודים לא חפצתי כי תבאו לראות פני מי בקש זאת מידכם רמס חצרי לא תוסיפו הביא מנחת שוא קטרת תועבה היא לי חדש ושבת קרא מקרא לא אוכל און ועצרה חדשיכם ומועדיכם שנאה נפשי היו עלי לטרח נלאיתי נשא ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו רחצו הזכו הסירו רע מעלליכם מנגד עיני חדלו הרע למדו היטב דרשו משפט אשרו חמוץ שפטו יתום ריבו אלמנה

חזון ישעיהו בן אמוץ אשר חזה על יהודה וירושלם בימי עוזיהו יותם אחז יחזקיהו מלכי יהודה שמעו שמים והאזיני ארץ כיא ה׳ דבר בנים גדלתי ורוממתי והמה פשעו בי ידע שור קנהו וחמור אבוס בעליו ישראל לוא ידע עמי לוא ה???נן הוי גוי חטה עם כבד עוון זרע מרעים בנים משחיתים עזבו את ה׳ נאצו את קדוש ישראל נזרו אחור על מה תכו עוד תוסיפו סרה כל רואש לחולי וכול לבב דוה מכף רגל ועד רואש אין בו מתם פצע וחבור? ומכה טריה לוא זרו ולוא חובשו ולוא רככה בשמן ארצכם שממה עריכם שרפות אש אדמתכם לנגדכם זרים אוכלים אתה ושממה עליה כמהפכת זרים ונותרה בת ציון כסכה בכרם כמלונה במקשה כעיר נצורה לולי ה׳ צבאות הותיר לנו שריד כמעט כסדום היינו לעמרה דמינו שמעו ??? ה׳ קציני סדום והאזינו תורת אלקינו עם עמרה למה לי רוב זבחיכם יאמר ה׳ שבעתי עלות אילים וחלב מריאים ודם פרים וכבשים ועתודים לוא חפצתי כיא תבאו לראות פני מי בקש זואת מידכם לרמס חצרי לוא תוסיפו להביא מנחת שוא קטרת תועבה היא לי חדש ושבת קרא מקרא לוא אוכל און ועצרה חדשיכם ומועדיכם שנאה נפשי היו עלי לטרח נלאיתי נשוא ובפרשכם כפיכם אעלים עיני מכם גם כי תרבו תפלה אינני שומע ידיכם דמים מלאו אצבעותכם מאון רחצו והזכו הסירו רע מעלליכם מנגד עיני חדלו הרע למדו היטב דרשו משפט אשרו חמוץ שפטו יאתום ריבו אלמנה

ופלשתים נלחמים בישראל וינסו אנשי ישראל מפני פלשתים ויפלו חללים בהר הגלבע וידבקו פלשתים את שאול ואת בניו ויכו פלשתים את יהונתן ואת אבינדב ואת מלכישוע בני שאול ותכבד המלחמה אל שאול וימצאהו המורים אנשים בקשת ויחל מאד מהמורים ויאמר שאול לנשא כליו שלף חרבך ודקרני בה פן יבואו הערלים האלה ודקרני והתעללו בי ולא אבה נשא כליו כי ירא מאד ויקח שאול את החרב ויפל עליה וירא נשא כליו כי מת שאול ויפל גם הוא על חרבו וימת עמו וימת שאול ושלשת בניו ונשא כליו גם כל אנשיו ביום ההוא יחדו ויראו אנשי ישראל אשר בעבר העמק ואשר בעבר הירדן כי נסו אנשי ישראל וכי מתו שאול ובניו ויעזבו את הערים וינסו ויבאו פלשתים וישבו בהן ויהי ממחרת ויבאו פלשתים לפשט את החללים וימצאו את שאול ואת שלשת בניו נפלים בהר הגלבע ויכרתו את ראשו ויפשטו את כליו וישלחו בארץ פלשתים סביב לבשר בית עצביהם ואת העם וישימו את כליו בית עשתרות ואת גויתו תקעו בחומת בית שן וישמעו אליו ישבי יביש גלעד את אשר עשו פלשתים לשאול ויקומו כל איש חיל וילכו כל הלילה ויקחו את גוית שאול ואת גוית בניו מחומת בית שן ויבאו יבשה וישרפו אתם שם ויקחו את עצמתיהם ויקברו תחת האשל ביבשה ויצמו שבעת ימים

ופלשתים נלחמו בישראל וינס איש ישראל מפני פלשתים ויפלו חללים בהר גלבע וידבקו פלשתים אחרי שאול ואחרי בניו ויכו פלשתים את יונתן ואת אבינדב ואת מלכישוע בני שאול ותכבד המלחמה על שאול וימצאהו המורים בקשת ויחל מן היורים ויאמר שאול אל נשא כליו שלף חרבך ודקרני בה פן יבאו הערלים האלה והתעללו בי ולא אבה נשא כליו כי ירא מאד ויקח שאול את החרב ויפל עליה וירא נשא כליו כי מת שאול ויפל גם הוא על החרב וימת וימת שאול ושלשת בניו וכל ביתו יחדו מתו ויראו כל איש ישראל אשר בעמק כי נסו וכי מתו שאול ובניו ויעזבו עריהם וינסו ויבאו פלשתים וישבו בהם ויהי ממחרת ויבאו פלשתים לפשט את החללים וימצאו את שאול ואת בניו נפלים בהר גלבע ויפשיטהו וישאו את ראשו ואת כליו וישלחו בארץ פלשתים סביב לבשר את עצביהם ואת העם וישימו את כליו בית אלהיהם ואת גלגלתו תקעו בית דגון וישמעו כל יביש גלעד את כל אשר עשו פלשתים לשאול ויקומו כל איש חיל וישאו את גופת שאול ואת גופת בניו ויביאום יבישה ויקברו את עצמותיהם תחת האלה ביבש ויצומו שבעת ימים וימת שאול במעלו אשר מעל בה׳ על דבר ה׳ אשר לא שמר וגם לשאול באוב לדרוש ולא דרש בה׳ וימיתהו ויסב את המלוכה לדויד בן ישי

הודו לה׳ קראו בשמו הודיעו בעמים עלילותיו שירו לו זמרו לו שיחו בכל נפלאותיו התהללו בשם קדשו ישמח לב מבקשי ה׳ דרשו ה׳ ועזו בקשו פניו תמיד זכרו נפלאותיו אשר עשה מפתיו ומשפטי פיו זרע אברהם עבדו בני יעקב בחיריו הוא ה׳ אלקינו בכל הארץ משפטיו זכר לעולם בריתו דבר צוה לאלף דור אשר כרת את אברהם ושבועתו לישחק ויעמידה ליעקב לחק לישראל ברית עולם לאמר לך אתן את ארץ כנען חבל נחלתכם בהיותם מתי מספר כמעט וגרים בה ויתהלכו מגוי אל גוי מממלכה אל עם אחר לא הניח אדם לעשקם ויוכח עליהם מלכים אל תגעו במשיחי ולנביאי אל תרעו

הודו לה׳ קראו בשמו הודיעו בעמים עלילתיו שירו לו זמרו לו שיחו בכל נפלאתיו התהללו בשם קדשו ישמח לב מבקשי ה׳ דרשו ה׳ ועזו בקשו פניו תמיד זכרו נפלאתיו אשר עשה מפתיו ומשפטי פיהו זרע ישראל עבדו בני יעקב בחיריו הוא ה׳ אלקינו בכל הארץ משפטיו זכרו לעולם בריתו דבר צוה לאלף דור אשר כרת את אברהם ושבועתו ליצחק ויעמידה ליעקב לחק לישראל ברית עולם לאמר לך אתן ארץ כנען חבל נחלתכם בהיותכם מתי מספר כמעט וגרים בה ויתהלכו מגוי אל גוי ומממלכה אל עם אחר לא הניח לאיש לעשקם ויוכח עליהם מלכים אל תגעו במשיחי ובנביאי אל תרעו

ויאמר ארחמך ה׳ חזקי ה׳ סלעי ומצודתי ומפלטי אלי צורי אחסה בו מגני וקרן ישעי משגבי מהלל אקרא ה׳ ומן איבי אושע אפפוני חבלי מות ונחלי בליעל יבעתוני חבלי שאול סבבוני קדמוני מוקשי מות בצר לי אקרא ה׳ ואל אלקי אשוע ישמע מהיכלו קולי ושועתי לפניו תבוא באזניו ותגעש ותרעש הארץ ומוסדי הרים ירגזו ויתגעשו כי חרה לו עלה עשן באפו ואש מפיו תאכל גחלים בערו ממנו ויט שמים וירד וערפל תחת רגליו וירכב על כרוב ויעף וידא על כנפי רוח ישת חשך סתר סביבותיו סכתו חשכת מים עבי שחקים מנגה נגדו עביו עברו ברד וגחלי אש וירעם בשמים ה׳ ועליון יתן קלו ברד וגחלי אש וישלח חציו ויפיצם וברקים רב ויהמם

ויאמר ה׳ סלעי ומצדתי ומפלטי לי אלקי צורי אחסה בו מגני וקרן ישעי משגבי ומנוסי משעי מחמס תשעני מהלל אקרא ה׳ ומאיבי אושע כי אפפני משברי מות נחלי בליעל יבעתני חבלי שאול סבני קדמני מקשי מות בצר לי אקרא ה׳ ואל אלקי אקרא וישמע מהיכלו קולי ושועתי באזניו ותגעש ותרעש הארץ מוסדות השמים ירגזו ויתגעשו כי חרה לו עלה עשן באפו ואש מפיו תאכל גחלים בערו ממנו ויט שמים וירד וערפל תחת רגליו וירכב על כרוב ויעף וירא על כנפי רוח וישת חשך סביבתיו סכות חשרת מים עבי שחקים מנגה נגדו בערו גחלי אש ירעם מן שמים ה׳ ועליון יתן קולו וישלח חצים ויפיצם ברק ויהמם