Kavanot: Playing with Fire

{:style=color:red}
🚧🏗️  Page Still Under Construction

{:he}
><b>כ</b>  נצר בני  מצות אביך;    ואל תטש  תורת אמך׃<br/>
<b>כא</b>  קשרם על לבך תמיד;    ענדם  על גרגרתך׃<br/>
<b>כב</b>  בהתהלכך  תנחה אתך     בשכבך  תשמר עליך;<br/>
והקיצות     היא תשיחך׃<br/>
<b>כג</b>  כי נר מצוה  ותורה אור;    ודרך חיים  תוכחות מוסר׃<br/>
<b>כד</b>  לשמרך  מאשת רע;    מחלקת  לשון נכריה׃<br/>
<b>כה</b>  אל תחמד יפיה  בלבבך;    ואל תקחך  בעפעפיה׃<br/>
<b>כו</b>  כי בעד אשה זונה     עד ככר לחם;<br/>
ואשת איש     נפש יקרה תצוד׃
--משלי פרק ו

{:he}
><b>כז</b>  היחתה איש אש בחיקו;    ובגדיו  לא תשרפנה׃<br/>
<b>כח</b>  אם יהלך איש  על הגחלים;    ורגליו  לא תכוינה׃<br/>
<b>כט</b>  כן הבא  אל אשת רעהו;    לא ינקה  כל הנגע בה׃<br/>
<b>ל</b>  לא יבוזו לגנב  כי יגנוב     למלא נפשו  כי ירעב׃<br/>
<b>לא</b>  ונמצא  ישלם שבעתים;    את כל הון ביתו יתן׃<br/>
<b>לב</b>  נאף אשה חסר לב;    משחית נפשו  הוא יעשנה׃<br/>
<b>לג</b>  נגע וקלון ימצא;    וחרפתו  לא תמחה׃<br/>
<b>לד</b>  כי קנאה חמת גבר;    ולא יחמול  ביום נקם׃<br/>
<b>לה</b>  לא ישא  פני כל כפר;    ולא יאבה  כי תרבה שחד׃
--משלי פרק ו

{:style=color:red}
&#x1F6A7;&#x1F3D7;&#xFE0F;  Page Still Under Construction